Header Image

Ezarri zaizkigun hezkuntza sistemak agortuak daude. Herri burujabetza ukatzeaz gain ez digute balio euskal jendarte aurrerakoi, justu eta demokratiko bat eraikitzeko. Hezkuntzaren agorpena, letra larritan azpimarratu eta gure herriaren beharrizanei erantzungo dien hezkuntza sistema eraikitzeko premia dugu. Eta horretan badu zer egitekorik ezker independentismoak.

Durangoko zein Baionako Plaza Hutsa tailerretan eta Bilboko saioan 80 lagun inguruk eman genion hasiera hezkuntzaren inguruko gogoeta prozesu irekiari. Abiapuntu ona jarrita, zenbait eskualdetara zabaldu da eztabaida bitarte honetan: Arrasate, Gasteiz, Iruñea...

Horrez gain, hezkuntzan aritu eta aditu diren lagunekin solasaldiak emititzen ari gara asteotan webgunean, eztabaida aberasteko.

Gogoeta prozesu honen hurrengo hitzordua maiatzaren 4an izango da. Goiz osoko saioan gogoeta nazionala egingo da hezkuntza sistema publiko eta burujabe baten aldeko ibilbideari mugarri berri bat jartzeko asmoarekin. Eta horretarako eraikitzear dugun herri honek behar duen publikotasun ereduari buruzko eztabaidari heldu behar diogu, ezinbestean. Horixe izango da, hortaz, M4ko tailerraren xedea, gai garrantzitsu horren hausnarketari orube sendo bat jartzea. Guztion artean ondorengo galderari erantzuten saiatuko gara:

Nolako euskal publikotasuna eraiki behar dugu?

 

EGITARAUA

 

9:30 Sarrera

10:30 Lan-taldeak I

      -Nazioa, klasea eta generoa ardatz hartuta “euskal publikotasuna” aztergai

11:30 Atsedenaldia

12:00 Lan-taldeak II

      -Nazioa, klasea eta generoa ardatz hartuta “euskal publikotasuna” aztergai

13:00-13:30 Ondorioak

 

Maiatzaren 4an 9:30etik 14:00etara Donostiako Aitor Ikastolan (Parkinga erabilgarri izango da)

Oharra: Izena eman duzuen guztioi, aldez aurretik, tailerrean eztabaidagai izango diren dokumentuak helaraziko zaizkizue.